Gazeta Uskana

Lajmet e fundit

  • Fatmir Limani bën historinë: Provimet për licencim në çerdhe për herë të parë në shqip

    Fatmir Limani bën historinë: Provimet për licencim në çerdhe për herë të parë në shqip

    Për herë të parë në vend, provimet profesionale për marrjen e licencës së punës në institucionet për fëmijë po zhvillohen edhe në gjuhën shqipe, krahas gjuhës maqedonase. Licencimi është kusht i domosdoshëm për punësim në çerdhe për edukatorët, kujdestarët, punëtorët profesionistë, bashkëpunëtorët dhe drejtorët.

    Ky ndryshim i rëndësishëm është bërë i mundur pas zhbllokimit të procesit, i cili kishte ngecur që nga viti 2023 për shkak të mosfunksionimit të sistemit elektronik. Me ndryshimet në Ligjin për mbrojtjen e fëmijëve, provimet po zhvillohen tani me shkrim deri më 1 janar 2026, pas së cilës pritet të rikthehet forma elektronike e testimit.

    Sipas Ministrisë së Politikave Sociale, Demografisë dhe të Rinjve, licencat e lëshuara pas këtij procesi do të jenë në të dy gjuhët, duke garantuar qasje të barabartë dhe respektim të plotë të të drejtave gjuhësore. Aktualisht rreth 350 kandidatë po i nënshtrohen provimit, ndërsa deri në fund të muajit pritet që edhe 350 të tjerë ta përfundojnë këtë procedurë.

    Ky hap vlerësohet si një moment historik në sigurimin e barazisë gjuhësore dhe krijimin e mundësive të reja për punësim në sektorin e kujdesit dhe edukimit të hershëm.

  • Fatmir Limani: Mbi 250 punësime – Rinia në qendër të vendimmarrjes

    Fatmir Limani: Mbi 250 punësime – Rinia në qendër të vendimmarrjes

    Ministri i Politikave Sociale, Demografisë dhe të Rinjve, Fatmir Limani, ka theksuar se mbi 250 punësime të reja në sektorin social dhe arsimor janë dëshmi e qartë se të rinjtë shqiptarë po marrin vendin që u takon në institucionet e vendit.

    Mbi 150 punësime janë realizuar në Qendrat për Punë Sociale, duke sjellë energji të re dhe staf të motivuar për shërbime më cilësore për qytetarët. Ndërkohë, mbi 100 vendime të reja janë marrë për punësime në kopshtet e fëmijëve, duke përmirësuar ndjeshëm kujdesin dhe edukimin e hershëm.

    Një shembull i veçantë është ai i 15 edukatoreve dhe përkdhelëseve të kopshtit “8 Marsi” në Strugë, të cilat, pas 5 deri në 16 vite pasigurie, tani kanë kontrata të përhershme. Po ashtu, 8 shqiptarë janë bërë pjesë e ekipit të Projektit të Bankës Botërore, ndërsa numri i këshilltarëve shtetërorë shqiptar është rritur nga 1 në 5.

    Limani theksoi se në avancime dhe punësime janë përfaqësuar denjësisht edhe komunitetei turk dhe rom, duke dëshmuar se ndryshimi është gjithëpërfshirës. “Rinia është forca jonë – me të ndërtojmë institucionet dhe të ardhmen që meritojmë,” deklaroi ai.

    Ai ndau në Facebook disa foto me një pjesë e të punësuarve:

  • Drejtoresha e parë grua në Qendrën Sociale: Rinia e Kërçovës po merr vendin që meriton

    Drejtoresha e parë grua në Qendrën Sociale: Rinia e Kërçovës po merr vendin që meriton

    Ministri i Politikave Sociale, Demografisë dhe të Rinjve, Fatmir Limani, vizitoi sot Qendrën për Punë Sociale në Kërçovë, qyteti i tij i lindjes dhe vendbanimi aktual, ku për herë të parë në krye të institucionit është emëruar një grua – Pajtime Aliu-Mehmedi, kuadër i ri dhe i mirëarsimuar.

    Gjatë takimit, ministri Limani i uroi drejtoreshës së re punë të mbarë dhe suksese, duke zhvilluar një bisedë produktive për nevojat dhe sfidat me të cilat përballet qendra çdo ditë. Në fokus ishte përmirësimi i kushteve të punës dhe cilësia e shërbimeve për qytetarët.

    Një pjesë e rëndësishme e diskutimit iu kushtua Qendrës Ditore për Persona me Aftësi Ndryshe, veçanërisht sigurimit të ngrohjes gjatë dimrit. U theksua gjithashtu rëndësia e bashkëpunimit të ngushtë për trajtimin e rasteve të dhunës në familje – nga strehimi dhe mbrojtja, deri te krijimi i kushteve për punësim dhe pavarësi ekonomike e sociale të viktimave.

    Ministri Limani nënvizoi se mbetet i angazhuar për të qenë pranë institucioneve dhe qytetarëve, duke ndërtuar një sistem social gjithëpërfshirës, ku të rinjtë dhe kuadrot shqiptare marrin vendin që meritojnë.

    Drejtoresha e re, pas fillimit të mandatit falënderon ministrin me një postim në Facebook:

    Kam nderin dhe privilegjin që në ditën e parë të mandatit tim si Drejtoreshë të nënshkruaj edhe 8 kontrata pune për 8 familje, shfrytëzoj rastin të faleminderoj Ministrin z. Fatmir Beqir Limani për angazhimin dhe punën e tij të pa lodhur që bëri të mundur hapjen e vendeve të reja të punës.

    Me këtë rast më jep mundësinë të kem një fillim të mbarë dhe një energji pozitive për të vazhduar edhe më me vullnet tu shërbej qytetarëve që kanë nevojë për mbështetjen dhe asistencën tonë !
    Me shumë respekt,
    Pajtime Mehmedi

  • Fatmir Limani Përuron Kopshtin “Bambi” në Çair: Një Hap për të Ardhmen e Fëmijëve

    Fatmir Limani Përuron Kopshtin “Bambi” në Çair: Një Hap për të Ardhmen e Fëmijëve

    Ministri i Politikave Sociale, Demografisë dhe të Rinjve, Fatmir Limani, ka përuruar kopshtin më modern në vend, “Bambi”, në komunën e Çairit. Ky projekt shënon një hap të rëndësishëm drejt sigurimit të një fëmijërie më të mirë dhe mundësive të barabarta për çdo fëmijë, pavarësisht prejardhjes.

    “Kopshti ‘Bambi’ është ndërtuar sipas standardeve më të larta, me pajisje moderne dhe kushte që garantojnë edukim cilësor parashkollor. Ky nuk është vetëm një investim në infrastrukturë, por në lumturinë, sigurinë dhe të ardhmen e fëmijëve tanë,” u shpreh ministri Limani. Ai shtoi se ky projekt u realizua falë përkushtimit të përbashkët, duke kapërcyer pengesat e krijuara nga interesa të ngushta.Ministri theksoi angazhimin e Qeverisë për të siguruar qasje në arsim dhe përkujdesje cilësore për çdo fëmijë, qoftë në qytete të mëdha apo në fshatrat më të vogla.

    “Ne po vazhdojmë të ndërtojmë dhe rinovojmë institucione parashkollore, të ulim listat e pritjes dhe të sigurojmë staf të përkushtuar e profesional,” deklaroi ai.Kopshti “Bambi” është dëshmi e një vizioni për një shoqëri ku fëmijët gëzojnë një mjedis të sigurt dhe të lumtur. “Ky është vetëm fillimi. Fëmijët tanë meritojnë më të mirën,” përfundoi ministri Limani, duke nënvizuar përkushtimin për të ndërtuar një të ardhme më të ndritur për brezat e rinj.